Kuch ankahi

Tu meri  nai sunta mat sun 

Par tujhe koi hak nahi ki tu apne pe vishwas karne walo ka vishwas tode,

Tu meri minnate puri nai karta koi gum nai

Par tujhe koi hak nahi ki tujh par aankh band karke bharosa karne walo ko tu galat saabit kare,

Tune mujhe sweekaar nai kia mujhe afsos nahi

Par tujhe koi hak nahi banta ki tu kisi chahne wale ko unke kareebiyon se bichda de,

Mujhe teri aastha me kabhi bhi bharosa nai tha aur na rahega

Par roj teri charno me phool chadhaane walo pe patthar na maar Bhagwaan,

Main teri Aaradhna nai kar sakta 

Par tujhe koi hak nahi ki har pal tujhe yaad rakhne walo ko dhokha na de Bhagwaan,

Aaj meri pehchaan tujhse nahi hai

Par teri lie apni pehchaan kho dene walo ki pehchaan mat mita Bhagwaan,

Main to naastik hi tha

Par aastha me vishwas rakhne walo ki aastha ki dor na tod Bhagwaan,

Maine tere bina hi har dukh jhel lie

Par har sukh dukh me tujhe yaad rakhne walo ko aur dhokha na de Bhagwaan,

Maine apne kai sapne akele hi dekh lie

Par har sapne me pehle tujhe dekhne walo ke sapne na tod Bhagwaan,

Maine tere pyaar ko nai samjha

Par pyaar ki shuruaat tere se karne walo ki pehchaan na tod Bhagwaan,

Aaj ye kalam pehli baar nai uthi

Par is kalam ki pehchaan ko banae rakhne wale haathon ki pakad dhili na kar bhagwan